手。
做田人的手。
做阿公的年歲，猶咧鬥收連署書的手。過年進前咧衝第一階，阿伯一改提三十外張來。阿伯毋敢拗著紙，管一捆交來，若親像接力走標的棍仔。
第二階的第二工，阿伯來問講伊遐猶閣有第一階的，敢會當閣交？聽著阮講這馬改簽第二階，一階的件袂使用矣，阿伯略略仔戇神戇神，看起來小可失望。
毋過阿伯猶是來，逐改攏提二、三十張轉去，來匆匆，去匆匆。
禮拜伊來揣一位志工，毋過無拄著人。我想欲鼓勵彼位志工、予志工知影阿伯閣來矣，想欲翕相傳相片。
聽著欲翕相，阿伯足緊張的，直直講「毋莫！莫啦！」
我共姑情，伊才同意翕這張相片。
傳統的選區，靠遮的序大替咱走傱。一張接過一張，一代傳一代，照顧咱的家園，守護咱的民主。
阿伯伸出來的手，歡迎你來接。
沒有留言:
張貼留言